Пияз
(«Allium» барагынан багытталды)
Пияз (лат. Allium, L. 1753) – пияздар тукумуна кирген эки же көп жылдык П. түптүү чөп, айрымдарынын П. түбү чала өөрчүгөн. Бардык түрү кескин П., сарымсак жыттуу. Топ гүлү чатырчадай, жаш гүлдөрү ороочтуу. Желекчеси жана аталыгы алтыдан. Уругу майда кара, күрөң кутуча. Жапайы түрү жер жүзүндө 200дөн ашуун. Айдама П-дын 50дөн ашуун сорту бар. Сарымсак же П. жыты андагы 0,005-0,009 % сарымсак майына байланыштуу. Сарымсак майында дисульфид – С6 Н 12S2 бар, анын курамында күкүрт көп. Кыргызстанда 30дан ашуун жапайы П. адырлардан бөксө тоолорго чейинки өсүмдүк жамаатында кездешет.
Колдонулган адабияттар
түзөтүү- Биология: Энциклопедиялык окуу куралы/Мамлекеттик тил жана энциклопедия борбору. -Б.:2004, ISBN 9967-14-002-4