Неон

Неон (лат. Neonum), Д.И.Менделеев мезгилдик системасы 2-мезгилинин VIIIА группа элементи, асыл газдарга кирет, к.н. 10, ат. м. 20,183. Н. 1898-ж. У. Рамзай ачып, гр. Neos – жаңы деп атаган. 3 туруктуу изотоптон: ²⁰Ne (90,92 % көлөмү боюнча ) ²¹Ne (0,257 %) жана ²²Ne (8,92 %) турат. Анын жасалма изотоптору бардыгы тең өтө кыска, жашайт. Иондошуу энергиясы: Ne0® Ne2+ Ne3+ 21,56; 41,07 жана 640 (эв м-н) барабар. Ат. радиусу 0,160. Газдын тыгызд. 0,900035 г/л (0°С, 760 мм сым. мам.) Кайноо температурасы - 246°С); балкып эрүү температурасы -248,6°С (760 мм сым. мам.). Эрүү жылуулугу 81 ккал/моль. Суюк Н. тыгызд. 1,205 г/см³. Н. бир атомдуу газ. Кадимки шартта реакцияга кирбейт. Анын гидраты Ne×6H₂O ж.б. бирикмелери алынган жана мындагы байланыш мол. күчтөр менен шартталган. Н. абадан алынат. Н. жер атм-сынын м. боюнча 4,6×10-4% түзөт. Н. электр техникасында лампаларды толтурууда, реклама жана сигналдык жарык берүүчү (неон – кызыл түс берет) электр приборлорунда, вакуумдук техникада, а түгүл Н. жарыгы караңгы туманда да өтө алыстан көрүнгөндүктөн маяктардагы Н. электр лампаларын толтурууда колдонулат.

Колдонулган адабияттар түзөтүү

Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6