Адана
Адана шаары, Сейхан - Түркиянын түштүгүндөгү шаар; Адана илинин (административдик-аймактык бирдик) административдик борбору. Сейхан дарыясынын боюнда жайгашкан. Биздин заманга чейин 63-ж. Рим колбашчысы Гней Помпей негиздеген. Өлкөнүн чыгыш бөлүгүн Рим менен байланыштырган аскер жолундагы таяныч пункту. Калкы 1,2 млндон ашык (2003). Пахтачылык өнүккөн маанилүү райондун соода жана өнөр жай борбору. Машина куруу, текстиль, химия, кагаз, полиграфия, тамак-аш, жыгаччылык, мебель, цемент өнөр жайы, университет бар. Чоң таш көпүрө (6-к.), капка калдыгы (782-ж.) сакталган.
Колдонулган адабияттар
түзөтүү- “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14—046—1