Айланчык кыйшык башы
Айланчык кыйшык башы — (лат. Ancylostoma duodenale) ичеги анкилостомасы, мите жумуру курттардын бир түрү.
анкилостоматиддер тукумундагы жумуру курттар, адамдын он эки эли ичегисинде мителик кылат, ургаачысынын узундугу 8-18 мм, эркегиники 8-10 мм. Ооз көңдөйүндө 4 тиши бар. Оозу менен ичегинин былжыр челине бекип, кан менен азыктанат. 4-5 жыл жашайт. Жумурткалары сүйрү, түзсүз жука чел кабык менен капталган. Уруктанган жумурткалар оорулуу адамдын заңы менен жерге түшүп, 30-32°Сде жана нымдуу 1 суткадан кийин андан личинкалар чыгат. Алар заң жана башка чириген органикалык заттар менен азыктанат. Личинка адам организмине булганган жер-жемиш, жашылчалар, суу аркылуу кирет. Денеге кирген личинкалар веналарга өтүп, жүрөккө барат, андан өпкөгө, кекиртек аркылуу кулкунга барып, шилекей менен жутулуп, он эки эли ичегиге түшүп, анда өсүп жетилет.
Колдонулган адабияттар түзөтүү
- А. А. Алдашев. Биология терминдеринин жана айбанат аттарынын орусча-кыргызча сөздүгү. - Бишкек, 1998. ISBN 9967-11-027-9
- “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1