Акарт мрамор кени

Акарт мрамор кени - Ош облусунун Ноокат районунда, Жаңы-Ноокат кыштагынан 30 км түштүктө, деңиз деңгээлинен 2700-2880 м бийиктикте. 1987-92-жылдары геологиялык чалгындоо иштери жүргүзүлгөн. Мрамор ортоңку таш көмүр мезгилинде пайда болгон. Өңү ак, көгүш-ак, ачык-боз, боз, кесек кристаллдуу, массивдүү, декоративдүү. Физикалык-механикалык касиеттери: орточо тыгыздыгы 2,70 г/см^ъ, көзөнөктүүлүгү 0,78%, суу сиңирүүсү 0,08%, кургак абалда баскандагы бектигинин чеги 73,0 МПа, сууга каныккан абалда 67,1 МПа, жешилүүсү 1,62 г/см², суукка чыдамдуулугу 25 цикл. Блоктордун орточо чыгышы 50% , 1 м³ блоктон 18 м² каптама такталар чыгат. Мрамордун запасы А категориясы боюнча - 346 миң м³, В -763 миң м³, С₁ - 2018 миң м³, А+В+С₁- 1327 миң м³.

Колдонулган адабияттар

• Кыргызстандын кен байлыгы: Энциклопедиялык окуу куралы/Мамлекеттик тил жана энциклопедия борбору. Бишкек – 2004, ISBN 9967-14-009-7
• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14—046—1