Актоо өкүмү

Актоо өкүмү – соттолуучу адамдын күнөөсүздүгүн аныктай турган өкүм. Ал төмөндөгүдөй учурларда кабыл алынат:

• кылмыш окуясы жок болгондо;
• соттолуучунун жосунунда кылмыш белгиси жок болгондо;
• соттолуучунун кылмышка катышы бар экендиги далилденбегенде;
• залал келтирген адам аракетинде кылмыш-жаза мыйзамдарына кайчы келе турган укук бузуу белгилери жок болгондо (коргонуу зарылчылыгы, өтө зарылчылыктан улам, кылмыш жасаган адамды кармоо, буйрукту же көрсөтмөнү аткаруу учурларында залал келтирилсе, акталган тобокелге барганда).