Аска, зоого чыгуу

Шарты

Оюнчулардын саны 2—5 киши.

Оюн аска, зоолуу жерлерде өткөрүлөт.

Оюнга даярдануу

Оюнчулар, оюн өткөрүлүүчү жердин алдында турушуп, оюндун шарты жөнүндө сүйлөшүп алышат.

Оюндун баяны

Оюнчулар кезектери келгенде, бирден белгиленген жол менен аскага чыгышат. Оюн, оюнчулар каалаган убакытка чейин уланат. Аскага чыгуунун ыкмаларын жакшы аткарылса, аз убакыттын ичинде чыккан оюнчу, оюндун жеңүүчүсү болот.

Оюндун эрежеси

Белгиленген жолдон чыгууга, бир бирине тоскоолдук кылууга болбойт.

Оюнга методикалык көрсөтмө

Оюн өткөрүлүүчү жер, оюнчуларга белгилүү болушу керек.

Оюндун педагогикалык мааниси

Оюнда күч, чыдамкайлыкка тарбияланат, аска жана зоого чыгуунун ыкмаларын, чечкиндүүлүккө, шамдагайлыкка, кайраттуулукка үйрөтөт.

Колдонулган адабияттар

• Х. Н. Анаркулов. Кыргыз эл оюндары. -Ф.: 1981, ISBN-10(13):5-65500669-3