Европа биримдиги

Европа биримдиги (ЕБ) – батыш европ. 12 мамлекеттин бирикмеси, эл аралык үч уюмдан: Европа экономика биримдиги (ЕЭБ), (ЕЭК)‚ Европа атом энергиясы боюнча биримдиги (Евратом)‚ Европа көмүр жана болот биримдигинен (ЕКББ) пайда болгон. 1967-жылдан жалпы жетекчи ор­гандары жана жалпы бюджети болгон. 60-жылдардын аягында бажы союзу түзүлгөн: 1) бажы салыгы жана өз ара соодада сандык чектөө алып салынган; 2) үчүнчү өлкө­лөргө карата бирдик­түү бажы тарифи киргизилген; 3) бирдиктүү тышкы соода саясаты ишке ашырылган; 4) Европа валюта системасы иштеген; 5) артта калган жана өндүрүшү иштебеген райондорду өнүктүрүү боюнча биргелешкен региондук саясат жүргүзүлгөн; 6) биргелешкен илимий-техника программаны аткарган. 1993-ж. Европа биримдигинин базасында Европа союзу уюшулган.