'''Кыргыз тили''' –— [[Кыргыз Республикасы|Кыргыз Республикасынын]] мамлекеттик тили, түрк тилдеринин курамына, анын ичинде [[кыргыз-кыпчак тобу]]на кирет. Кыргыз Республикасынын түптүү калкынын, [[Кытай|Кытайдагы]], [[Өзбекстан]], [[Тажикстан]], [[Казакстан]], [[Каракалпакстан|Каракалпакстан Республикасы]], [[Ооганстан]], [[Түркия]], [[Орусыя|Орусияда]] жашап жаткан кыргыздардын эне тили. 2009 ж. өткөн [[Элди жана турак-жай фондун каттоо, 2009|элди жана турак-жай фондун каттоонун]] жыйынтыгында Кыргыз Республикасында кыргыз тилин 3 830 556 адам өз эне тили катары көрсөтүшкөн жана 271 187 адам кыргыз тилин экинчи тил катары биле тургандыгы аныкталган<ref>[http://212.42.101.100:8088/nacstat/node/23 2009 ж. Эл жана турак-жай фондун каттоо/Улуттук статистика комитети]</ref>. Бул КРсындагы калктын 76% кыргыз тилинде сүйлөйт дегенди билдирет. Кыргыз тилинде 1 720 693 адам [[Орус тили|орус тилин]] дагы билише тургандыгын көргөзүшкөн<ref>[http://212.42.101.100:8088/nacstat/node/111 2009. Эл жана турак жай фондун каттоо/Улуттук статистика комитети]</ref>. Бул 2 109 863 адам кыргыз тилинде гана сүйлөй билишет дегенди билдирет. Болжолдуу эсеп менен дүйнө жүзү боюнча кыргыз тилинде 5 100 000 адам сүйлөйт.
