Байланыш-катыш програмдык жабдыгы

Байланыш-катыш програмдык жабдыгы (Communication software-Коммуникационное программное обеспечение). Башка колдонмо програмдык жабдыктарга караганда компьютердин колдонулушунун өсүшүнө алып келген. Байланыш-катыш програмдык жабдыктары берилиштерди бир компьютерден экинчисине жиберүүдө колдонулат. Компьютерлерди өз ара байланыштырууда ар бири берилиштерди жиберүүчү програмдык жабдык жана жабдуулар менен камсыз болуш керек. Булардан сырткары компьютерлерди туташтырган телефон же радио линиясы болууга тийиш. Байланыш пакеттеринин көпчүлүгү түрдүү тексттик жана графиктик файлдарды, факс документтерин жана интерактивдүү кызматтардан же Интернеттен алынган маалыматтарды жиберүүгө жана кабыл алууга жөндөмдүү. Берилиштерди жиберүү жана кабыл алуу менен катар байланыштын програмдык жабдыктары кошумча байланыш кызматтарын сунуш кылат.

Кошумча маалымат

• Байланыш-катыш линия
• Байланыш-катыш систем модели
• Байланыш-катыш тармагы
• Байланыш-катыш түзүлүштөрү

Колдонулган адабияттар

• Компьютер жана интернет: Энциклопедиялык окуу куралы. У.Н. Бримкулов, А.С. Өмүралиев, В.Ф. Бабак. ISBN 9967-14-014-3, 2004-ж.