Ашмара суусу
Ашмара, Аспара – Панфилов району (Кыргыз Республикасы) менен Мерке районунун (Казакстан) чек арасы аркылуу аккан суу. Чүй өрөөнүндөгү Курагатты суусунун оң куймасы. Узундугу 108 км, алабынын аянты 1210 км². Кыргыз Ала-Тоосунун түндүк капталынан башталат. Чүй өрөөнүнө чыкканда нугу кеңейип, тайыздайт. Ири куймалары: Махан, Аршалы жана башка. Жылдык орточо чыгымы 3,31 м³/сек; эң көбү 9,66 м³/сек, эң азы 1,02 м³/сек. Май айында кирип, сентябрда тартылат. Алабында жалпы аянты 17,8 км² келген 34 чакан мөңгү бар. Сугатка пайдаланылат. Боюнда Чалдыбар, Ровный, Гранитогорск жана башка кыштактар жайгашкан.
Ашмара суусу
| |
|---|---|
| Мүнөздөмө | |
| Узундугу | 108 км |
| бассейндин аянты | 1 210 км² |
| Жайгашкан орду | |
| Өлкө | Калып:Өлкө желеги/Кыргызстан, Казакстан |
Колдонулган адабият түзөтүү
- Кыргызстандын географиясы ISBN 9967-14-006-2