Баялы Исакеев
Баялы Дыйканбаевич Исакеев (1897―1938) ― кыргыз советтик мамлекеттик жана партиялык ишмер.
| Баялы Исакеев | ||
 | ||
| ||
|---|---|---|
| 24.3.1937 — 8.9.1937 | ||
| Андан кийинки: | Мурат Салихов | |
| ||
| 27.9.1933 — 24.3.1937 | ||
| Андан кийинки: | Жусуп Абдрахманов | |
| Туулган жери: | Таш-Дөбө айылы, Аламүдүн району | |
| Автограф: | 
| |
Кыскача өмүр таржымакалы
түзөтүүБ.Исакеев Кыргызстандын азыркы Нарын облусуна караштуу Кочкор өрөөнүндөгү көчмөн кедей үй бүлөдө туулган.
1916-ж. - Нарын шаарындагы орус-тузем мектеп-интернатын аяктаган.
1923-ж. - Ташкендеги Орто Азия коммунисттик университеттин(САКУ),
1926-ж. - Москвадагы ВКП(б) БК нын уездик партия кызматкерлеринин бир жылдык курсун бүтүргөн.
1917-1920-жж. - Кумбел Арал жана Орто Токой менчик почта станцияларында иштеген.
1921-1922-жж. - Кочкор участкалык эл сотунун катчысы.
1922-1923-жж. - Нарын уезддик партия комитетинде иштеген.
1924-1925-жж. - Түркстан АССР Лепси жана Каракол уезддик шааркомдорунда иштеген.
1926-1927-жж. - Кыргыз АССР КП округунун бөлүм башчысы.
1927-1928-жж. - "Кызыл Кыргызстан" гезитинин жооптуу редактору болгон.
1928-1929-жж. - ВКП(б) Кыргыз обкомунун катчысы болгон.
1933-1936-жж. - Кыргыз АССР Эл Комиссарлар Кеңешинин төрагасы болуп иштеген
1937-жылы Кыргыз ССРинин Эл Комиссарлар Кеңешинин төрагасы кезинде камакка алынып, 1938-жылы ак жеринен атылган.
Мамлекеттик ишмердиги
түзөтүүАл 1928–29-ж. ВКП(б) Кыргыз обкомунун бөлүм башчысы, 1929–30-ж. Кыргыз АССР жер иштер комиссары, 1930–33-ж. ВКП(б) Кыргыз өкмөтүнүн башчысы, 1933–37-ж. Кыргыз ССР (адегенде АССР) ЭКСтин төрагасы. Кыргыз АССР БАКка (192837), СССР улуттар советине (1931–35), СССР БАКка жана анын Президиумуна (1935–37) мүчө. ВКП(б) БКнын 17-съездинин жана СССР Советинин атайын чакырылган 6-, 7-, 8-съезддеринин делегаты.
Баялы Исакеев Кыргыз АССРинин тушунда жана анын макамын бийиктетип, Кыргыз ССРине айландырган учурда уюштуруучулук зор иш-аракет жасаган мамлекеттик ишмерлерден болгон.
Замандаштары
түзөтүүАл кыргыздын чыгаан мамлекеттик жана коомдук ишмерлери Абдыкадыр Орозбеков, Төрөкул Айтматов, ж.б. менен чогуу иштешкен.
Ал 1937-жылы Бишкеккке келген Николай Бухарин менен да жолуккан[1].
Үй-бүлөсү
түзөтүүКыздарынын бири - Лариса атасын актоо жана анын ысымын түбөлүккө калтыруу үчүн зор эмгек кылды.
Эстеликтери
түзөтүүБишкектин чордонундагы Тарых музейинин чыгыш ыптасында Баялы Исакеевдин айкели тургузулган. Анын ысымы Кочкор районундагы кыштакка берилген.
Ал жана доору тууралуу адабият
түзөтүү- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5