Бекбазар уулу Эркесары
Бекбазар уулу Эркесары (1884-1966, Талас району, Калба айылы) — комузчу.
Тогуз жашынан комуз черте баштаган. Шыгынын ойгонушуна Станбек, Сыртбай деген чертмекчилер күчтүү таасир берген, кийин Ныязаалы, Токтогулдардын таалимин алган. Талас, Кетмен-Төбө, Аксы аймактарына чебер комузчу катары таанылган.
1936—40-ж. Кыргыз мамлекеттик филармониясында иштеген. Токтогул, Ныязаалы, Майлыбай, Айдараалы, Боккөтөн, Шеркул жана башкалардын күүлөрүн чебер аткарган. «Салтанат камбаркан», «Салтанат шыңгырама», «Эрмек күү», «Шандуу жаштар» деген күүлөрдү чыгарган.
Булактар
түзөтүү- Талас облусу энциклопедия. Бишкек-1995-ж.