Бердикеев, Канболот

Бердикеев, Канболот - жазуучу, публицист. 1938-жылы 1-сентябрда Жумгал районундагы Кайырма айылында туулган. 1955-жылы Чаек орто мектебин, 1960-жылы К.И.Скрябин атындагы Кыргыз мамлекеттик айыл чарба институтунун ветеринардык факультетин аяктаган.

Эмгек жолун 1960-жылы В.И.Ленин атындагы колхоздо ветеринардык врач болуп иштөө менен баштаган. 1964-жылы райондук ветеринардык станциянын начальнигинин орунбасары, 1975-жылдан Жумгал райондук малды бордоп семиртүүчү колхоздо ветеринардык лабораториянын башчысы, башкы ветврач болуп иштеген. 1980-жылдан 1997-жылга чейин Чаек эт комбинатында ветврач болуп эмгектенет. Азыркы мезгилде ардактуу эс алууда.

Чыгармалары 1960-жылдан баштап басма сөз беттеринде жарыялана баштаган. 1976-жылы «Абийир» деген ат менен новеллалар жыйнагы жарык көргөн.

1979-жылдан СССР Жазуучулар союзунун, 1971-жылдан Кыргызстан Журналисттер союзунун мүчөсү.

Жарык көргөн китептери

Кыргыз тилинде

Абийир: Новеллалар. – Ф.: Мектеп, 1976. – 50 б.

Көкө-мерен: Повесть жана жанытмалар. – Ф.: Мектеп, 1977. – 184 б.

Айдың-Көл: Повесть. – Ф.: Кыргызстан, 1984. – 172 б.

Нуска: Повесть. – Ф.: Кыргызстан, 1984. – 197 б.

Айып: Повесть, аңгемелер. – Ф.: Мектеп, 1986. – 288 б.

Капсалаң: Повесттер. – Б.: Кыргызстан, 1995. – 224 б.

Чоң апамдын жомогу: Повесть. – Б.: Изат, 1998. – 54 б.

Колдонулган адабияттар

• *Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011 ISBN 978-9967-26-379-6