Бром кислотасы
Бром кислотасы, HBrO3 - бир негиздүү орг. эмес к-та. Эркин түрүндө алына элек, суудагы эритмеси гана белгилүү, абада жана ысытканда ажырайт: күчтүү к-та, окистендиргич. Бромду хлор менен сууда окистендирүүдөн же Ba(BrO3)2 тузун күкүрт к-тасы менен ажыратууда алынат:
Br2+6H2O+5CI22HBrO3+10HCI;
Ba(BrO3)2+H2SO4BaSO4+2HBrO3.
Туздары – броматтар түссүз кристаллдар, кадимки шартта туруктуу, жогорку темп-рада кычкылтекти бөлүп чыгаруу менен ажырайт: щелочтуу металдардын броматтары үчүн:
MBrO3MBr+1,502
Башка металлдар броматтары үчүн төмөнкүдөй болот:
М(BrO3)2MO+Br2+2,502
Б.к. жана анын туздары күчтүү окистендиргич касиетке ээ болуп, бром ионуна же эркин бромго чейин калыбына келет. Аналитикалык лаб-яда жана окистендиргич катарында колдонулат.
Колдонулган адабияттар
түзөтүү- Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|