Висмутин

«Висмутит» менен адаштырбаңыз.

Висмутин (висмут жалтырагы) – сульфид бирикмелерине кирүүчү минерал. Химиялык формуласы Bi₂S₃. Кошундулары: Sb, Se. Ромб сингониясында кристаллданат. Өңү калайга окшош ак, тунук эмес. Абада киргилденип, сыртында жука боз кабатча пайда болот. Катуулугу Моос шкаласы боюнча 3,8. С. салмагы 6,5. Электр тогун өткөрбөйт. Гидротерм, грейзен жана контакттуу метасоматоз кендеринде кездешет. Висмутин висмут кен-ташынын (рудасынын) негизги минералы.

Колдонулган адабияттар түзөтүү

“Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4