Германия социалисттик бирдиктүү партиясы
Германия социалисттик бирдиктүү партиясы (ГСБП) Германия компартиясы (ГКП) менен Германия социал-демократ партиясынын рев-ячыл марксизм платформасында биригүүсүнүн натыйжасында 1946-жылы апрелде түзүлгөн.
Анын Берлинде 1946-ж. 21—22-апрелде өткөн бириктирүүчү съезди «ГСБПнин принциптери жана максаттары» деген программалык документ кабыл алган. Анда партиянып негизги максаты Германияда социализм куруу экенин белгилеген, партиялык Уставы кабыл алынып, Борб. башкармасы шайланган.
ГСБП Германия жумушчу табынын жалпы улуттук партиясы катары түзүлгөн. Бирок Батыш Германиядагы ончул социал-демократтар м-н бүтүмгө келип алышкан импер. державалардьш оккупациялык бийликтери өз зоналарында ГСБПнин иштөөсүнө тыюу салган. Чыгыш зонада ГСБПнин жетекчилиги менен согуштан кийинки жылдардын алгачкы мезгилинде демокр. жер реформасын жүргүзүү аяктады; ишканалары элдин менчигине берилди; мамл. өзүн өзү башкаруунун демокр. органдары иштей баштады.
Колдонулган адабияттар
түзөтүү- Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.