Доор руху

Доор руху – «мезгил руху» деген түшүнүккө синонимдеш жана доордун маданий нарк-насилинин биримдигин туюндурат.

Доор руху белгилүү бир маданий-тарыхый мезгилде жашаган коомго, элге мүнөздүү маани-маңыздардын, ой-жүгүртүүлөрдүн, баалулуктардын, нормалар менен идеалдардын, стереотиптер менен жоболордун бир бүтүндүгү. Доор руху түшүнүгү изилдөөчүлүк алкакка немис тарыхчылары Х. Мейнерс жана Д. Тидеман (18-к.) тарабынан киргизилген.