Жапаров Калыс

Жапаров Калыс (01.01.1946-ж.т., азыркы Чүй облусу, Аламүдүн району, Орто-Алыш айылы) - Кыргыз Республикасынын эмгек сиңирген врачы (2005), райондун ардактуу атуулу (2008), хирург.

• Кыргыз мамлекеттик медициналык институтунун дарылоо факультетин (1971), интернатураны (1971) бүткөн.
• Ленинград шаарында 3 жолу адистигин жогорулатуу боюнча курстардан өткөн.
• 1971-74-жылдары 2008-жылдары Шакафтар айылындагы облустук ооруканада хирургия-соматикалык бөлүмүнүн башчысы,
• 1974-92-жылдары сөөк-хирургия бөлүмүнүн башчысы,
• 1992-2008-жылдары оорукананын башкы врачынын дарылоо боюнча орун басары болуп иштеген.
• 2008-жылдан Бишкектеги №17 үй-бүлөлүк дарыгерлер борборунда врач-хирург болуп иштейт.
• Кыргыз Республикасынын ардактуу донору (2001), саламаттыкты сактоонун отличниги (1991).
• Шакафтар шаарча кеңешине депутат болуп шайланган.
• Ардак грамоталар менен сыйланган.

Колдонулган адабияттар

Чаткал району: Энциклопедия / авт.-түз. А.Орозов и др. - Б.: «Принт Экспресс» б., 2015. - 368 б., илл. ISBN 978-9967-27-851-6