Жасалгалуулук

Жасалгалуулук (декоративность) (латынча decorare – кооздоо) – архитектуралык ансамблде орду жана ролу белгиленген, чыгарманын түстүк жана композициялык чечмеленишин аныктаган көркөм белгилер (мисалы, архитектуралык интерьердин бир бөлүгү катары фресканын ээлеген орду; шаар аянтындагы ансамблдин бир бөлүгүн түзгөн скульптуралык эстелик). Ж-тун мындай түрү, эгерде ал чыгарманын негизги реалисттик идеясын, жалпы эле ансамблди толуктап турса, эң чоң жана талашсыз жетишкендик деп эсептелет.

Колдонулган адабияттар

• Кыргыз сүрөт искусствосу: Энциклопедиялык окуу куралы/Мамлекеттик тил жана энциклопедия борбору. -Б.:, 2004