Жонатан Демми

Роберт Жонатан Демми(англ. Jonathan Demme;/ˈdɛmi/ дем-ИИ; 1944-жыл, 22-февраль – 2017-жыл, 26 апрель) — америкалык кинорежиссер, продюсер жана сценарист. Ал 1980-жылдардагы «Мелвин менен Говард» (1980), «Нөөмөт» (1984), «Жапайы нерсе» (1986), «Мафияга баш кошуу» (1988) жана ошондой эле «Talking Heads» тобу менен биргеликте жараткан концерттик «Маанилүү болууну токтоткула» (1984) тасмалары менен таанымал болгон. «Козулардын жымжырттыгы» (1991) тасмасын тарткандан кийин ал атактуулуктун туу чокусуна чыгып, «Оскардын» «Эң мыкты режиссер» наамын жеңип алган. Кийинчерээк ал «Филадельфия» (1993) жана «Рэйчел турмушка чыгып атат» (2008) аттуу белгилүү тасмаларды тарткан.