Игражарт

Игражарт, Иргажарт тарыхый топоним; Борбордук Теңир-Тоонун 10-кылымдагы аты. «Китаб Худуд ал-Алам мин ал-Машрик илал-Магриб« («Ааламдын чыгыштан батышка чейинки чек аралары тууралуу китеп») деген фарсы тилиндеги тарыхый-геогр. эмгекте (982-983-ж. белгисиз автор жазган) И. тоолору йагмалардын өлкөсүндө жайгашып, андан Иле д. башталары, ал тоолордо жайы-кышы кар кетпей, бугу ж. б. айбанаттардын көптүгү, бугунун мүйүзү ушул аймактан туш тарапка тараганы жөнүндө жазылган.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5