Ирула (эл)
Ирула (эндоэтнонимдер: ирулига, солигару, иллигару) — Индиянын түштүгүндө (Керала, Карнатака, Тамилнад штаттары) жашаган дравид эли.
Саны 214 миң адам (2011ж.).
Ирула эркектери (фото, 1871 ж.)
Тамил тилинин диалектинде сүйлөйт.
Жергиликтүү салттуу ишенимдерди (анимизм, таш жана токой рухтардын культтары) жана индуизмди карманышат.
19-кылымга чейин алар толугу менен обочолонуп жашашкан. Генетикалык жактан тамилдерге жакын, бирок алардан кара тери түсү жана тармал чачы менен айырмаланышат.
Аңчылык, жыйноочулук (бал жана жапайы өсүмдүктөрдү чогултуу), балыкчылык менен алектенишет. Ирула жылан (уулуу жана питондорду) кармагандар катары белгилүү. Ошондой эле, алар дыйкандарга талаадагы келемиштерди жок кылуу боюнча кызматын көрсөтүшөт.
Айрым эркектер плантацияларда жалданып иштешет.
Эркектер жамбашты кездеме менен орошот. Аялдар сариге окшош кийим кийишет.
Ирула 6-7 тегерек алачыктан турган чакан конуштарда жашашат.
4500 жыл мурун жашаган Ракхигархидеги хараппалардын байыркы ДНКсы ирула элинин өкүлдөрүнүн ДНКсы менен дал келген.
Кээде касталык басмырлоого дуушар болушат.