Итуруп
Итуруп (ja 択捉島) – Курил аралдар тобундагы эң ири арал. Сахалин облусунун курамында. Аянты 6,7миң км2, узундугу 200 км, туурасы 27 кмге чейин. Жанар тоо массивдери, токол тоолор (бийиктиги 1634 мге чейин) бар. Бамбук, карагай-көк карагайлуу токой, жапалак арча өсөт. Аралда Курильск шаары жайгашкан. Цунамини алдын-ала билдирүүчү станция иштейт.
Колдонулган адабияттар
түзөтүү- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5