Кабекова, Зоя Ивановна
Кабекова, Зоя Ивановна - акын, жазуучу. Россиянын Иваново шаарында 1927-жылы 13-ноябрда туулган. 1939-жылы үй-бүлөсү Ыраакы Чыгышка көчүп келип, 1945-жылы орто мектепти аяктагандан кийин 5-Ырааккы Чыгыш армиясынын ыр жана бий ансамблинде жалданып иштеген. 1947-жылы күйөөсү Кабеков Сафарбек менен Фрунзе шаарына туруктуу жашоого көчүп келишип, Курортология илим-изилдөө институтунда алгач китепканачы, андан соң китепкананын башчысы болуп иштеген. Бир эле мезгилде “Горные зори” адабий бирикмесинин мүчөсү жана “Тулпар” адабий бирикмесинин жетекчиси болгон.
1982-жылы “Разговор на равных” аттуу биринчи ырлар жыйнагы “Кыргызстан” басмасында (“Мелодия любви” кассетасында) жарык көргөн.
Анын ырлары жана макалалары республикалык гезиттерде, «Литературный Кыргызстан» журналында үзгүлтүксүз жарыяланган.
1995-жылы Израилге репатриацияланган жана ал жакта адабий ишмердигин улантып келет.
«Второе дыхание» (Израиль: Петах-Тиква, 1997, 160 б.), «Мы из Холона» (Израиль, 1999,197 б.), «Страницы памяти» (Израиль: Холон, 2005, 196 б.), «Лодские страницы» (Израиль: Ганей-Авив, 2007, 142 б.) сыяктуу бир топ альманахтарды чыгарууга автор жана түзүүчү катары катышкан.
Согуш ардагерлеринин жана майыптарынын клубунун адабий бирикмесинин (Израиль, Холон ш.) жана пенсионерлердин адабий кружокторунун (Ганей-Авив) мүчөсү болгон. 2008-жылы Израиль мамлекетинин 60 жылдыгына жана немис улутчулдугунун үстүнөн болгон Улуу жеңиштин 63 жылдыгына арналган Ицхак Задман атындагы адабий конкурсунун лауреаты болгон. Учурда Ганей-Авивде (Израилде) жашайт.
Жарык көргөн китептери
түзөтүүОрус тилинде
Разговор на равных. Стихи. – Ф.: Адабият, 1982. – 54 с.
Разговор на равных. Стихи. – Ф.: Адабият, 1990. – 112 с.
Арча: Стихи. - Б.: Алтын Тамга, 2000. - 121 с.
Маленькие истории, смешные и не очень: Проза. - Израиль, 2002. - 139 с.
Повороты судьбы: Стихи. - Б.: Алтын Тамга, 2007. - 233 с.
Колдонулган адабияттар
түзөтүү- *Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011. – 456 б. ISBN 978-9967-26-379-6
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|