Кайчы тумшук

Кайчы тумшук (лат. Loxia, L. 1758) – куштардын мукурлар тукумундагы уруусу. Дене узундугу 17 смге чейин. Астыңкы жана үстүңкү тумшугу кайчылашып, карагай, кызыл карагай ж. б. ийне жалбырактуулардын тобурчагынан уругу чыгарып жегенге ыңгайланган. К. т.-тун 3 түрү Европа, Африка, Азия, Американын ийне жалбырактуу токойлорунда таралган. Кыргызстанда 1 түрү жашайт. Карагайларга жылуу уя салып, ургаачысы 3-5 жумурткасын басып чыгарат. Эркеги жем ташып, аларды багат.

ак канат кайчытумшук (Loxia leucoptera)

Колдонулган адабияттар

• А. А. Алдашев. Биология терминдеринин жана айбанат аттарынын орусча-кыргызча сөздүгү. - Бишкек, 1998. ISBN 9967-11-027-9
• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5