Качкымбаев Санкул

Качкымбаев Санкул (1927, Чүй облусу, Москва району, Кызыл-Туу айылы – 2002, ошол жер) – Социалисттик Эмгектин Баатыры (1966). Эмгек жолун 1949-жылы Москва районунун Кызыл-Туу совхозунда ветеринар-фельдшер болуп иштөөдөн баштаган. Кийин Беловодск кыш заводунда бригадир, смена мастер, участка начальниги болуп иштеген. Ал жетектеген смена кыш чыгарууда чоң ийгиликтерге жетишкен. Ленин ордени жана медалдар менен сыйланган.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9