Кесме

Кесме – жука жайылган камырдан ичке кесилип, шорпого салына турган азык жана андан бышырылган ысык тамак. Буудай унуна туз, кээде жумуртка кошулуп, катуу жуурулган камырды жакшылап ийлеп, ийи жеткенде саамга тыныктырып коёт. Андан кийин чактап үзүп алып, аш тактанын бетине үбөлүк жана тегиз жукартып жаят. Жайылган камыр жабышпасын үчүн ун сээп, үбөлүккө ороп, кат-кат бүктөйт да, ичке кесет. Кесмени силкип, супаранын бетине жайып, тоборсугандан кийин унун күбүп, кайнап жаткан сорпого салат. Ошондой эле кой (уй) этин бөртүп туурап, майга кууруп, коруш-татымалдарды кошуп, үстүнө керегинче суу куюп, кайнаган шорпого Кесме салынып жасалган суюк тамак да Кесме деп аталат. Сүткө бышырылса сүт Кесме, нак шорпого бышканы шортек Кесме, кымыз, сүт, айран же сүзмө кошулганы катыкталган Кесме, куурулганы куурма Кесме делет. Кесмени бууга да бышырса болот. Учурда технологиялык жол жана чыгарылган Кесменин түрү көбөйүүдө.

Кесменин түрлөрү

Буудай

Кхальгуксу (칼국수): бычак менен кесилген корей кесмеси

Ламянь (拉麵): колго чоюлган кытай кесмеси

Паста: катуу буудайдан жасалган италян кесмеси

Реште: ооган жана перс кесмеси

Удон: жоон япон кесмеси

Кара күрүч

Мак-гуксу: Түштүк Кореядагы Канвондо провинциясынын жергиликтүү өзгөчөлүгү

Соба: япон кара күрүч кесмеси

Пиццокери: италян кара күрүч тальятеллеси, көбүнчө эритилген сыр менен берилет

Дагы кара

Лагман

Колдонулган адабияттар

“Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9