Кокус процесс
Кокус процесс, стохастикалык процесс, ыктымалдык процесс, убакыттын кокус функциясы — окуяга жараша болуп өткөн жана өтүү ыктымалдыгы кандай экендиги алдын ала аныкталган процесс (башкача айтканда кээ бир системанын абалынын убакыттын өтүшү менен өзгөрүшү). Кокус процесстин типтүү мисалы — Броун кыймылы, радиосигналдардын тоскоол учурда тарашы жана башкалар Кокус процессти кээ бир элементардык окуянын көптүгүндө аныкталган X(t) кокус чоңдугунун түркүмү катары кароого болот, мында t — убакыт. Ушул түркүмдөн алынган ар бир X(t) конкреттүү кокус чоңдугу процесстин t моментиндеги абалы деп аталат. Кокус процесстин 3 классы өтө маанилүү: көз карандысыз өсүндүлүү кокус процесстер классы; Марков процесстер классы; Гаусс процесстер классы. Орус математиктери А. А. Марков, А. Н. Колмогоров, А. Я. Хинчин, америкалык математиктер В. Феллер, Н. Винер, Ж. Дуб жана башкалар Кокус процесстер теориясы боюнча маанилүү натыйжаларга жетишкен.
Колдонулган адабияттар
түзөтүү- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|