Кумам (эл)

Кумам (икумама, икоколему, акоколему) — түштүк луо тобуна кирген нилот эли. Уганданын түштүк-чыгышында (Чыгыш аймагындагы Каберамайдо округунда, Кьога көлүнүн түндүк-чыгышында) жашайт.
Жалпы саны 339 миң адам (2021).

Тил

Эне тили — кумам. Көпчүлүк ланго жана итесо тилдеринде сүйлөшөт. Бул тилдерде сүйлөгөн этностор коңшулаш этносубрегиондордо (Lango sub-region жана Teso sub-region) жашашат. Бул үч тил (кумам, ланго, итесо) Нил-сахара макроүй-бүлөсүнүн курамындагы нилот тобуна кирет.

Дин

Көпчүлүк христиандар (20 кылымда кабыл алышкан). Калгандары жергиликтүү салттуу ишенимдер (ата-бабалар культу) карманышат.

Чарбалык иштер

Кол менен иштетилген жер чарба (таруу, сорго, буурчак өсүмдүктөрү, картошка) жана малчылык (уй, эчки, тоок). Уй байлыктын белгиси болуп эсептелет.

Кол өнөрчүлүк

Токуучулук, карапачылык, тери иштетүү.

Коом

Негизги коомдук уюм – бул аксакалдар башчылык кылган, жерлерге ээлик кылып, аларды өз мүчөлөрүнө пайдаланууга өткөрүп берген урук. Тууганчылык эркек теги аркылуу гана таанылат. Клан ичинде никеге турууга тыюу салынган. Мурда жашы жете электерге ата-энелердин макулдашуусу боюнча нике кыюу кеңири жайылган.

Булактар

https://artsandculture.google.com/entity/m070bh4?hl=ru(жеткиликсиз шилтеме)

https://www.wiki.be-by.nina.az/Кумам.html Archived 2022-08-17 at the Wayback Machine