Күнжара

Күнжара — май өсүмдүгүнүн уругунан майы сыгылып алынгандан (экстракциялоодон) кийин калган калдык; белок жана майы көп концентраттык тоют. Күнжара амин кислоталык курамы жана биохимиялык баалуулугу боюнча дан эгиндеринин белогунан жогору турат. Мисалы, күн карама Күнжарасында 40,9% протеин, 6,8% май, 10,7% суу, 8,5% клетчатка, 26,3% азотсуз заттар, 6,8% күл болот. Күнжара белогунда лизин, метионин, цистин жана триптофон көп. Күнжара, ошондой эле кальцийге, фосфорго, В тобундагы витаминдерге бай, каротин аз. Күнжаранын нымдуулугу 12%тен ашса көгөрүп, сапаты жоголот.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9