Майлуу-Суу суусу
Майлуу-Суу — Ноокен районундагы дарыя, Узундугу 87 км, алабынын аянты 748 км2. Бабашата кырка тоосунун батыш жана түндүк-батыш капталдарынан башталат. Башкы агымында Чон жана Кичи Керей сууларынын кошулушунан тузулуп, дениз денгээлинен 2875 м бийиктикте жайгашкан Кутманкол колуно куюп, колдон томон жагынан агып чыгып, Сере-Суу деп аталып батышты карай агат. Давансай суусу кошулгандан кийин Майлысуу деп аталып, капчыгайлар аркылуу өтүп, Майлуу-Суу шаарын жана Кызыл-Кыя, Избаскен кыштактарын аралап отуп, Караүңкүр суусу менен кошулуп Кара-Дарыяга куят. Ири куймалары: он - Даван-сай, Кыз-коргон, Когой-суу, Кайрагач, Бедре-сай, Сол - Чон-агач, Семендик, Сары-бээ.
Майлуу-Суу
| |
|---|---|
| |
| Мүнөздөмө | |
| Узундугу | 87 км |
| бассейндин аянты | 748 км² |
| Суу чыгымы | 9.7 м³/с |
| Суу агымы | |
| Башаты | Чон-Керей |
| Жайгашкан орду | |
| Өлкө |  Кыргызстан
|
| Област | Жалал-Абад облусу |
| Район | Ноокен району |
Суунун башталышында 4000 метрден ашуун бийикте жалпы аянты 3,2 км2ге жеткен 9 мөңгү бар.Негизинен кар, мөңгү жана булак сууларынан куралат. Жылдык орточо чыгымы 9.7 м3/сек, эң көбү апрель – майда чыгымы 108 м3/сек, эн азы январь – февралда 6-7 м3/сек. Суусу апрелде кирип, сентябрьда тартыла баштайт. Алабында 4 көл бар. Кызыл-Кыя жана Избаскен кыштактарында жайгашкан плотина аркылуу каналдарына болунуп, сугатка кеңири пайдаланылат.
Колдонулган адабияттар түзөтүү
- Мамлекеттик тил жана энциклопедия борбору. Кыргызстандын географиясы ISBN 9967-14-006-2