Мамбетаипова, Шакен
Мамбетаипова, Шакен (1936–1995) - акын, сүрөтчү. Тоң районундагы Туура-Там айылында 1936-жылы 20-ноябрда туулган. 1951-жылы Жети-Өгүз районундагы Покровка айылында турмуш-тиричилик комбинатына тигүүчү болуп кирген. 1960-жылы өзүнүн оюулар чийилген альбому менен Фрунзедеги Кыргыз ССРинин Сүрөтчүлөр союзуна кеңеш алуу үчүн келет жана Көркөм фонддун килем жасоочу цехине саймачы, Фрунзе шаарындагы көркөм буюмдар фабрикасынын башкы сүрөт-чүсү болуп орношкон. 1965-жылы Оштогу ВЛКСМ атындагы жибек комбинатына которулуп, көчүрмөчү болуп иштейт. 1966–1970-жж. Көркөм окуу жайынын прикладдык бөлүмүндө окуган. Ошол эле мез-гилде Кыргыз ССРинин Тарых музейине сүрөтчү-реставратор болуп иштейт. 1968-жылы Бүткүл дүйнөлүк студенттердин жана жаштардын IX фестивалына катышып, жергиликтүү өнөр жай ми-нистрлигинин борбордук конструктордук техникалык бюросунун көркөм ишканасында улук инженер-сүрөтчү болгон.
1971-жылдан СССР Сүрөтчүлөр союзунун мүчөсү.
1975-жылдан Кыргыз ССРинин маданиятына эмгек сиңирген ишмер. 1994-жылдан «Кыргыз Республикасынын Эл сүрөтчүсү».
Жарык көргөн китептери
түзөтүүКыргыз тилинде
түзөтүү- Кыргыз пейили: Ырлар. – Ф.: Кыргызстан, 1976. – 36 б.
- Кыргыз орнаменти. – Ф.: Кыргызстан, 1980. - 28 б.
- Ырлар. - Ф.: Кыргызстан, 1981. - 184 б.
- Байыркы жылдыздар. – Ф.: Мектеп, 1984.-71 б.
- Оюмдагы обондор. – Ф.: Кыргызстан, 1986. – 126 б.
- Улуу тоолор. – Ф.: Адабият, 1989. – 71 б.
Колдонулган адабияттар
түзөтүү- *Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011 ISBN 978-9967-26-379-6
 |
Бул макалада башка тил бөлүмүнө шилтеме жок. Сиз аларды издеп бул макалага кошуп, долбоорго жардам берсеңиз болот.
|