Мамбеталиев, Көкөбай

Көкөбай Мамбеталиев (1913-1976) - педагог, Социалисттик Эмгектин Баатыры (1968), Кыргыз ССРинин эмгек сиңирген мугалими (1964).

Мамбеталиев Көкөбай
Жалпы маалымат
Төрөлгөндө берилген аты:	Мамбеталиев Көкөбай
Туулган жылы:	1913
Каза болгон жылы:	1976
Туулган жери:	Дөң-Алыш айылы, Кочкор району, Нарын, Кыргызстан
Каза болгон жери:	Дөң-Алыш айылы, Кочкор району, Нарын, Кыргызстан
Өлкө:	Кыргызстан
Ишмердүүлүгү:	Педагог, мугалим

Алгы сөз

Көкөбай агайдан Кызыл-Дөбө орто мектебинде окуп жүргөн кезимде сабак алып калдым. Агайдын жылуу жүзү, окуткан сабактары, айткан акыл кептери али эсимде турат. Агайдан окуп чыккандар орто жаштан өтүп, асты улгайып калышты. Агай тууралуу маалымат Нарын облусунун энциклопедиясында бар. Бирок агай тууралуу Интернетте эчнерсе жок экен.

• 
  Көкөбай Мамбеталиев атындагы Талаа-Булак орто мектебинин көрүнүшү.
• 
  Көкөбай Мамбеталиев атындагы Талаа-Булак орто мектебинин коллективи.
• 
  Көкөбай Мамбеталиев менен иштеген кесиптештери.

Көкөбай агай тууралуу Нарын облусунун энциклопедиясында мындай маалымат бар.

Зоологиялык музейден көрүнүш.

Кыскача таржымалы

Туулганы - 1913, Кочкор району, Дөң-Алыш айылы - өткөнү 1976, ошол эле жер. Педагог.

Наамдары, сыйлыктары

• Социалисттик Эмгектин Баатыры (1968),
• Кыргыз ССРинин эмгек сиңирген мугалими (1964).

:Жалпетеков Абдразак менен Мамбеталиев Көкөбай

Ишмердиги

1951-жылы Каракол шаарындагы Мугалимдер институтунун табият-географиялык факультетин бүтүргөн. 1930-36-жылдары өз айлындагы, 1937-41-жылдарда Сузак, Кара-Суу райондорундагы мектептерде, 1941-61-жылдарда Кочкор районундагы Кызыл-Дөбө, Талаа-Булак мектептеринде мугалим, окуу бөлүмүнүн башчысы, директор, 1961-76-жылдарда Талаа-Булак орто мектебинде биология мугалими болуп иштеп, анда зоология музейин уюштуруп, 1000дей экспонат жыйнаган. Ленин, Эмгек Кызыл Туу ордендери, медалдар менен сыйланган. Ысымы Талаа-Булак орто мектебине ыйгарылган.

Зоологиялык музейден көрүнүш.

Талаа-Булак орто мектебинин Аймак таануу музейи абдан кызык. Музейди Социалисттик Эмгектин баатыры Көкөбай Мамбеталиев көп жылдык эмгеги менен түзгөн. Музейде Кыргызстандын жаныбарлар дүйнөсү чагылдырылган. Музей республикалык Зоологиялык музейден калышпайт, андан да дурус десе болот. Музей азыркы убакта толук жаңыртылган.

Агай тууралуу ар кыл баалар

Көкөбай агай эч качан, эч кимге жаман айтпаган өтө сылык адам болгон. Сабакка келатканда ушундай ачык жүз менен жайдары абалда келээр эле.

Зоологиялык музейден көрүнүш

Ал тууралуу китептер, макалалар

• IBSN

Интернеттеги шилтемелер

• http://todo.selyam.net/docs/78/index-82508.html Archived 2013-12-15 at the Wayback Machine