Мамыр Иминжанов
Сатирик жазуучу Мамыр Иминжанов Кара-Суу районунун Савай айыл өкмөтүнө караштуу Кыдырша айылында 1939-жылы 6-апрелде туулган. Айылдагы орто мектепти аяктап, 1964-жылы Ош мамлекеттик педагогикалык институтун бүтүргөн.
1964–1966-жж. мектепте мугалим, 1966–1972-жж. Кара-Суу райондук «Эмгек майданы», Ош облустук «Ленин жолу» гезиттеринде кызматкер, 1972–1980-жж. облустук телерадио комитетинде башкы редактордун телекөрсөтүү боюнча орун басары, 1980–1995-жж. республикалык телерадиокомитетинде адабий-драмалык редакциясында улук редактор, 1995-2002-жж. «Ош–3000» (азыркы ЭлТР коомдук телерадио компаниясы) теле каналында кызматкер болуп иштеген.
Ал «Кутмандуу болсун күнүңөр», Бетке айткандын заары жок» адабий-сатиралык радио журналдарын 15 жыл даярдап чыгарып, республиканын аймагына кеңири тараган «Ыр кесе» оюн-зоок программасынын автору болгон.
Чыгармачылык жолу 1965-жылдын октябрь айында «Чалкан» журналына «Мандайыма жазылганы» аттуу алгачкы сатиралык аңгемеси басылган учурдан башталган. Ошондон баштап республикалык гезит-журналдарда анын сатиралары жарыяланып, радиодон берилип келет.
2007-жылы “Кыргыз Республикасынын эл агартуусунун отличниги болгон.
1981-жылдан Кыргызстан Журналисттер союзунун, 1994-жылдан Кыргыз Республикасынын Жазуучулар союзунун мүчөсү.
Иминжанов Мамыр  | |
| Жалпы маалымат | |
| Төрөлгөндө берилген аты: | Иминжанов Мамыр |
| Туулган жылы: | 1939-жылы 6-апрель |
| Туулган жери: | Кыдырша айылы, Кара-Суу району, Ош облусу |
| Өлкө: |  Кыргызстан
|
| Ишмердүүлүгү: | Сатирик жазуучу |
Жарык көргөн китептери
түзөтүүКыргыз тилинде
түзөтүү- Сага айтам: Сатиралар. – Б., 1981. – 72 б.
- Чырпык: Сатиралар жана повесттер. – Б., 1988. – 75 б.
- Өлгөн адамды күлдүргөн: Сатиралар. – Б., 1998.– 88 б.
- Куйручуктун курдашы: Сатиралар. – Ош: Ош обл. басмаканасы, 1999. – 84 б.
- Менин эртеңим: Балдар үчүн. – Ош: Ош обл. басмаканасы, 2005. – 20 б.
- Кара-Суунун карлыгачтары. – Ош: Ош обл. басмаканасы, 2007. – 188 б.
- Кара-Суунун 100 атуулу: Көркөм маалымат. – Ош: Ош обл. басмаканасы, 2007. – 147 б.
- Күлгөндүн билгени бар: Сатиралар. – Ош: Ош обл. басмаканасы, 2008. – 120 б.
- Каалоолор жана арноолор: Сатиралык ырлар. – Ош: Ош обл. басмаканасы, 2009. – 72 б.
- Өмүрдү экчеген жылдар: Повесть, очерк сатира. – Ош: Ош обл. басмаканасы, 2009. 332 б.
Колдонулган адабияттар
түзөтүү- Кыргыз Республикасынын жазуучулары/Кыргыз Республикасынын Мамлекеттик интеллектуалдык менчик кызматы (Кыргызпатент)/Түзүүчүлөр: М. Ааматов, А.Чекиров, Ө.Калыева. – Б.: 2011. Т.2 – 456 б. ISBN 978-9967-26-379-6