Мегатерийлер

Мегатерийлер (лат. Megatherium) – сүт эмүүчүлөрдүн кем тиштүүлөр түркүмүнүн тукуму курут болгон уруусу; кургакта жашоочу эң ири илендилер. Жогорку плиоцен – плейстоценден белгилүү, Түштүк жана Түндүк Американы мекендеген. Денеси өтө чоң (узундугу 6 мге жеткен), буту кыска болгон. Арткы бутуна туруп, жоон куйругуна таянып, өсүмдүктүн жалбырагы жана жаш бутактарын үзүп, азыктанган. Бешке жакын түрү болгон.

Колдонулган адабияттар

А. А. Алдашев. Биология терминдеринин жана айбанат аттарынын орусча-кыргызча сөздүгү. - Бишкек, 1998. ISBN 9967-11-027-9
“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7