Миртов, Валериан Владимирович

Миртов Валериан Владимирович (1912, Рязань облусу – 1994) – тарых илимдеринин доктору (1969), профессор (1974). Кечки жумушчу факультетин (1933), Новосибирск темир жол транспорту аскер инженерлер институтун (1939) бүтүрүп, институтка мугалим (1939–42) болуп калган. 1942-жылы февралдан партиянын Новосибирск шааркомунун транспорт бөлүмүнүн башчысы. ВКП(б) БКга караштуу Жогорку партиялык мектепти (1944) бүтүргөн. 1944-жылдан Кыргыз ССРинин тышкы иштер министрлигинде, 1948-жылдан Кыргызстан КП БКнын агитация жана пропаганда бөлүмүндө лекторлор тобунун башчысы. 1954-жылдан Кыргызстан КП БКга караштуу Партия тарыхы инстутутунда улук илимий кызматкер. 1972–77-жылы Кыргыз мамлекеттик медициналык инстутунда кафедра башчысы, 1977-жылдан Кыргызстан КПга караштуу Партия тарыхы институтунда сектор башчысы болуп иштеген. Ал – жүздөн ашык илимий эмгектин, макаланын автору. Эмгектери Кыргызстан КП тарыхына арналган.

Колдонулган адабият

Кыргыз Тарыхы. Энциклопедия. Мамлекеттик тил жана энциклопедия борбору. Бишкек, 2003. И. Арабаев атындагы Кыргыз мамлекеттик педагогикалык университети.