Мэгги Кью
Маргарет Дениз Куигли (англ. Margaret Denise Quigley); ошондой эле Ли Ми Ки (вьетн. Lý Mỹ Kỳ, Калып:Lang-cn), ал эми Мэгги Кью (англ. Maggie Q) деген ысым менен кеңири белгилүү; (22-май 1979, Гонолулу, Гавайи, АКШ) — Теги вьетнамдык актриса жана модель. Алгачкы атактуулукту Гонконгтон алган.
 Мэгги Кью
Maggie Q | |
 | |
| Төрөлгөндөгү ысымы: |
Маргарет Дениз Куигли / (англ. Margaret Denise Quigley) |
|---|---|
| Туулган датасы: | |
| Туулган жери: | |
| Жарандыгы: | |
| Кесиби: | |
| Карьерасы: |
1998 - азыркы учурда |
| IMDb: | |
| maggieqnet.tumblr.com | |
Ысымы түзөтүү
Маргарет Дениз Куигли. Бул ысымга тили жакшы келбеген кытай журналисти актрисага «аты-жөнүңдү айтыш мен үчүн оор болуп жатат. Кел, кыскартып, Мэгги Q деп атайлы» деп сунуштайт. Жаңы ысымы Мэггиге да жагат. Ошентип, көп нускалуу гезитке анын маеги жарыяланып, ысымы элге бат тарайт.
Өмүр баяны түзөтүү
1979-жылы 22-майда АКШнын Гавайи штатындагы Гонолулу шаарында төрөлгөн.Мэггинин атасынын теги польша-ирландиялык, ал эми апасы вьетнам кызы болгон. Экөө Вьетнам согушунда таанышып, баш кошушкан[1][2]. Мэггинин өзүнөн улуу эки эжеси жана энелеш эки агасы бар. «Кичинекейимде жеңил атлетика жана сууда сүзүү менен машыкчумун. Ветеринар болгум келчү. Бирок чоңойгон сайын бул тилегим модель жана телеалпаруучу болууга өзгөргөн» деп эскерет балалыгы тууралуу Мэгги.
Карьерасы түзөтүү
1997-жылы мектепти аяктаган Кьюну Азия өзүнө тартып, 17 жашында Жапонияга моделдик дүйнөгө сапар алат. «Мен үйдөн чыкканымда чөнтөгүмдө 20 доллар гана бар эле. Дал апамдын окуясына окшош. Ал да Вьетнамды таштап чыккандан кийин акча тартыштыгынан аябай кыйналган экен. Же тил билсемчи?! Кытайлык сулуу кыздардын жанында өзүмдү түрү суук өрдөктөй сезгем. Ошентсе да модель болуу эң негизги тилегим болгондуктан, эч кандай тоскоолдуктарга карабай, бул дүйнөгө багыт алгам. Жакшы эле кыйналдым. Арзан, даамсыз тамак-аштарды ичтим, полдордо, булганч жайларда жаттым...» Баарына туруштук берген Мэгги бат эле бул жаатта алдыңкы ондукка кирип, белгилүү «Chanel» жана «Gucci» компаниялары менен олуттуу иш алып кете алган. Кийин жумушсуз калып Тайванга, андан кийин Гонконгго барууга аргасыз болот. Гонконг Мэггиге Голливудга жол ачып берген. Модель Гонконгго келип, өзүн актриса катары сынай баштайт. «Кино жаатына келгенде да абдан кыйналдым. Кытай тилин билбегенимден, ролдорду угуп жаттаганга туура келчү. Эгер мени тагдыр Жеки Чанга жолуктурбаса, эмне болот элем, билбейм?» деп эскерет. Жеки Чан Кьюну жолуктурганда эле анын оргуштап турган талантын байкап, өзүнө окуучу кылып алат. «Жеки Чанды атамдай эле көрөм. Ал мага кино дүйнөсүнүн эшигин гана ачпастан, этика жагынан да көп нерсени үйрөттү. Ага жолукканга чейин уруш өнөрүн билчү эмесмин. Жадакалса, эңкейгенде колум бутумдун манжаларына жетчү эмес» деп устатына ыраазычылыгын билдирип келет. Бүгүнкү күндө да Кью өз алдынча трюктарды үйрөнүп, жасайт. Бул тууралуу ал «өз аудиторияма карызмын. Мен 70теги кемпир эмесмин, колумдан келгенин жасашым керек. Ооба, трюктар жаракатсыз болбойт дегилечи. Ар кайсы жерим жарылат, кээде 2 жумага чейин бетим көгөрүп жүрөт. Бир жолку жардыруу трюгунан кийин кулагымдын тарсылдагы жарылган».
Жеке жашоосу түзөтүү
Актрисанын актёрлор Шейн Уэст, Дэниел Ву, Эдинсон Чен, Дэниел Хенни жана Жапониялык футболчу Хидетоси Наката менен мамиле кургандыгы айтылып келет. «Ооба, мага көп мырзалар сөз айткан. Бирок алардын мен тууралуу ойлору кандай экенин билбейм. Негизи, мен жолугушууга аз барган кызмын. Ачыгын айтсам, мен үчүн жигиттерден да иттерим баалуу» дейт. Дагы кайсы бир маегинде журналисттерге колун көрсөтүп, «байкуш аты жогум канча жолу жаракат албады. Гипстеп жүрүп калыбына келтирдим. Ушуга шакек салчу бирөө да жок» деп тамаша-чыны аралаш айтып алган.
2015-жылы] «Сталкер» сериалындагы өзүнүн коллегасы Дилан Макдермотт менен түгөй болгону белгилүү болгон.[3].
Тасмаграфиясы түзөтүү
| Жылы | Кыргызча аталышы | Түпнуска аталышы | Ролу |
|---|---|---|---|
| 2000 | Жаңы муундун спецназы | Te jing xin ren lei 2 | Жейн |
| Тозоктон чыккан модель | Gui ming mo | Анна | |
| 2001 | Чак түш 2 | Rush Hour 2 | машинадагы кыз |
| Манхэттеги жарым түн | Manhattan Midnight | Сьюзан / Хоуп | |
| 2002 | Жылаңач курал | Chek law dak gung | Шарлин Цзин |
| 2003 | Бейбаштар | Yi wu liang huo | Мисс Клэри |
| 2004 | Hainan ji fan | Жижи | |
| Around the World in 80 Days | агент | ||
| Сыйкырдуу ашкана | Moh waan chue fong | Мэй | |
| 2005 | Barbara Wood - Das Haus der Harmonie | Хармони | |
| «Дракон» тобу | Mang lung | Yuet | |
| 2006 | Аткарылбаган миссия-3 | Mission: Impossible III | Зэн |
| 2007 | Balls of Fury | Мэгги Вонг | |
| Жеңилбес 4 | Live Free or Die Hard | Мэй Лин | |
| The Counting House | Жейд | ||
| 2008 | Deception | Тина | |
| San guo zhi jian long xie jia | Цао Ин | ||
| 2009 | Rogues Gallery | ||
| Нью-Йорк, мен сени сүйөм! | New York, I Love You | Женис Тейлор | |
| Карышкыр жана Согушкер | Lang zai ji | Харран | |
| 2011 | Малчы | Priest | Монахиня |
| 2010-2013 | The King of Fighters | Май Сирануи | |
| Никита | Nikita | Никита | |
| 2014 | Дивергент | Divergent | Тори Ву |
| 2014 | Сталкер | Stalker | Бэт |
| 2015 | Дивергент, 2-бөлүм: Инсургент | The Divergent Series: Insurgent | Тори Ву |
| 2016 | Дивергент, 3-бөлүм: Дубал үчүн | Allegiant: Part 1 | Тори Ву |
| 2016 | Кабыл алуучу | Designated Survivor | Ханна Уэллс |
| 2017 | Жекилл аралындагы келишим | The Crash | Хилари медайым |
| 2017 | Сламбер: Лабиринттар түшү | Slumber | Элис Арнолд |
| 2018 | Британдыктар келе жатат! | The Brits Are Coming | Ирина |
| 2020 | Фантазия аралы | Fantasy Island | Гвен Олсен |
| 2020 | Өлүм күнүң менен | Death Of Me | Кристин |
Шилтемелер түзөтүү
- Мэгги Кью (англисче) Internet Movie Database сайтында
- Official tumblr for the Maggie Q fansite! Archived 2016-01-11 at the Wayback Machine
- Maggie Q at Her Hottest Archived 2010-09-23 at the Wayback Machine — Слайд шоу журналы Life magazine
- ↑ TheStar.com. There’s something about Maggie. Текшерилген күнү 25 -сентябрь (аяк оона) 2006. Түп булактан архивделген күнү 26 -февраль (бирдин айы) 2012.
- ↑ Talking Mission: Impossible III with Maggie Q. Evan Jacobs for MovieWeb Thursday, May 4th, 2006. Текшерилген күнү 19 -сентябрь (аяк оона) 2006. Түп булактан архивделген күнү 26 -февраль (бирдин айы) 2012.
- ↑ http://www.tvguide.com/. Report: Stalker's Dylan McDermott and Maggie Q Are Engaged (14 января 2015).