Нерв оорулары
Нерв оорулары — нерв системасынын жабыркашы. Анын пайда болушуна жугуштуу оорулар (менингит, полиомиелит, энцефалит), мээ кан тамырларынын атеросклерозу, гипертония, аракечтик, нерв системасынын кырсыкка чалдыгышы, шишиктер себеп болот. Ошондой эле тукум куума өзгөчөлүктөр да мааниге ээ. Анын мүнөздүү белгилери — шал болуу, сезгичтиктин жоголушу, карышуу, туталануу жана психиканын бузулушу. Нерв оорулары органикалык (нерв системасынын структуралык өзгөрүшү) жана функциялык (чарчоодон, өтө кайгыруудан болуучу невроздор) болуп айырмаланат. Дарылоо оорунун себебине жана жабыркоо мүнөзүнө жараша жүргүзүлөт. Алдын алууда организмди инфекциядан, уулануудан (өзгөчө баңги зат, алкоголь менен), кырсыктан сак болуу, организмди чыңдоо, эмгек мененэс алууну айкалыштыруу мааниге ээ.
Колдонулган адабияттар
түзөтүү- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111-7