Оймок ооздуулар
(«Оймокооздор» барагынан багытталды)
Оймок ооздуулар (лат. Cyclostomata) — жаныбарлардын жааксыздар чоң классынын сууда жашоочу, жөнөкөй түзүлүштүү жалгыз классы. Силур мезгилинен белгилүү. Денеси жылан балыкка окшош, жылаңач териси былжыр бөлүп чыгаруучу бездерге бай. Кемирчек шакекче менен курчалган оозу соргуч куйгучка окшош (аталышы ошондон). Тили скелеттүү, мүйүз тиштүү. Баштык сымал бакалоорлору энтодермадан пайда болгон. Мээси бардык омурткалууларга мүнөздүү бөлүктөрдөн турат. Бөлүп чыгаруусу мезонефриялык бөйрөк түрүндө. Жыныс бездери жалгыз, чыгуучу түтүгү жок. Ургаачысы жумурткасын (уругун) сууга таштап, алар сууда уруктанып, өөрчүйт. Оймок ооздуулар 2 классчага же түркүмгө (миногарлар жана миксиндер) бөлүнөт. Алар – балыктардын эктомителери же жырткычтары.
Колдонулган адабияттар түзөтүү
- А. А. Алдашев. Биология терминдеринин жана айбанат аттарынын орусча-кыргызча сөздүгү. - Бишкек, 1998. ISBN 9967-11-027-9
- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7