Павлодар
Павлодар – Казакстандагы шаар (1861-жылдан). Павлодар облусунун административдик борбору. Иртыш дарыясындагы порт. Шаар 1720-ж. негизделген. Калкы 331,1 миң (2012). Темир жол бекети. Нефть ажыратуу, комбайн жана шина, картон-рубероид заводдору, алюминий, кеме куруу жана ремонттоо, тамак-аш (эт, ун комбинаттары, сүт заводу) өнөр-жай ишканалары иштейт. Балык кармалып, беленделет (консерва даярдалат). Павлодарга жакын Иртыш – Караганды каналы өтөт. Эки университет, 8 институт, коллеж, китепканалар, драма театры, музейлер (край таануу, көркөм искусство), мечиттер, кафедралуу собор бар.
Колдонулган адабияттар
түзөтүү- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9