Паропамиз

Паропамиз – Афганстандагы жана Түркмөнстандын түштүгүндөгү тоо системасы. Узундугу 600 кмдей. Эң жазы жери 250 км. Негизинен гранит, гнейс тоо тектеринен турат. Банди-Түркстан, Хисар (бийиктиги 4565 мre чейин), Сафедох, Сиахкох сыяктуу негизги кырка тоолору Мургаб, Сурхаб, Герируд ж. б. дарыялардын өрөөндөрү жана капчыгайлары менен тилмеленген. Эшилме шагылдар, too чөлү жана талаасы, арча жана миетелүү сейрек токой, жазы жалбырактуу токой мүнөздүү.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9