Пинега
Пинега – Россия Федерациясындагы дарыя. Архангел облусунун аймагында, Түндүк Двинанын оң куймасы. Узундугу 779 км, алабынын аянты 42,6 миң км2. Көп бөлүгү кенен өрөөн аркылуу агат; төмөнкү агымында Кулой дарыясына жакындаган жеринде аны менен канал аркылуу туташат. Орточо чыгымы 412 м3/сек. Октябрдын 2-жарымынан майдын 1-жарымына чейин тоңот. Чатынан 658 кмге чейин кеме жүрөт. Сал агызылат. Оң жээгинде Пинега коругу уюштурулган. Ак деңиз-Кулой платосунун карсттык ландшафт, Орус түздүгүнүн тайга токою, Сибирь кызыл карагайынын массивдери (корабель токою) коргоого алынган.
Пинега
| |
|---|---|
| |
| Мүнөздөмө | |
| Узундугу | 779 км |
| бассейндин аянты | 42 600 км² |
| Суу чыгымы | 412 м³/с |
| Суу агымы | |
| Аягы | Түндүк Двина |
| Жайгашкан орду | |
| Өлкө |  Орусия
|
| Област | Архангел облусу |
| ОМСР | 03020300312103000034650 |
Колдонулган адабияттар
түзөтүү- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9