Рас-аль-Хайма (эмирлик)

Рас-аль-Хайма
Өлкө	БАЭ
Административдик борбор	[[Рас-аль-Хайма (шаар) \|Рас-аль-Хайма]]
Башчысы	Сауд бин Сакр аль-Касими
Расмий тили	араб тили
Калкы	241 000
Жыштыгы	97,25 адам/км²
Деңиз; денгээлинен бийиктиги; • Бийик чекити; • Орточо бийиктиги	; ; 1934 м; 2 м
Тууралыгы	км
Узундук	км
Коду ISO 3166-2	AE-RK
Расмий сайты

Рас-аль-Хайма ( ар. رأس الخيمة‎ чатырдын үстү ) – БАЭнин түндүгүндөгү эмирлик .

Борбору – Рас-аль-Хайма шаары.
Эмираттын аянты 2478 км²^[1], калкы 241 000 адам (2009-жыл)^[1].

Оман жана БАЭ эксклавдары

Оман Абу-Даби (БАЭ) Дубай (БАЭ) Шаржа (БАЭ) Ажман (БАЭ) Умм эль-Кайвайн (БАЭ) Рас аль-Хайма (БАЭ) Фужейра (БАЭ)

Эмирликте дыйканчылык жана балык уулоо өнөрлөрү жакшы өнүккөн. Рас-аль-Хайма жарым марафону жыл сайын өткөрүлүп турат.

Расмий тили араб тили; англис тили бизнесте кеңири колдонулат; хинди, урду, бенгал, малаялам, фарс жана башка азиялык тилдер иммигранттар арасында кеңири таралган.

Тарыхы

Рас-аль-Хайма эмирлигинин 7000 жылга жакын тарыхы бар. XIII-XIV кылымдарда азыркы Рас-аль-Хайма деп аталган аймакта белгилүү Жулфар аталыштагы порт жайгашкан.

Жулфар Парс булуңундагы соода түйүндөрүнүн бири болуп, өзүнүн берметтери менен кеңири белгилүү болгон.

2019-жылы бул аймакта сейрек кездешүүчү Кытай керамикасынын табылышы мурдагы Жулфардагы соода-сатыктын аймагын жана көлөмүн көрсөтүп турат.

Дөбөдө дайгашкан Дайя чеби

Эмирликте ошондой эле Парс булуңундагы эң жакшы сакталып калган балык уулоочулардан тарыхый айылдардын бири - Аль-Жазира Аль-Хамра жана БАЭдеги сакталып калган, XVIII кылымга таандык Дайя чеби жайгашкан.

Рас-аль-Хайма эмирлигинин 1000 жакын тарых жана маданият эстеликтери, ЮНЕСКОнун Бүткүл дүйнөлүк мурастарынын тизмесине кирген^[2].

Калкы

2015-жылга карата калкынын жалпы саны 345,000 адамды түзгөн жана калкынын 127,000 адамы БАЭнин жарандары болуп саналат^[3].

Географиясы

Рас-аль-Хайма БАЭнин эң түндүккү чекитине жакын жайгашкан. Умм эль-Кайвайн, Фужейра, Шаржа эмирликтери жана Оман Султандыгы менен чектешет.

БАЭнин эң бийик Жебел Жайс тоо чокусу да ушул эмирликте жайгашкан, анын бийиктиги 1934 метр^[4].

Экономикасы

БАЭнин башка аймактарындагыдай эле экономиканын негизин мунай менен байланышкан өнөр жайлар түзөт. Мындан тышкары чопо жана цемент чыгаруучу ишканалар, «Julphar» дары-дармек сыгаруучу заводу бар. 2000-жылы бул эмирликте эркин экономикалык аймак ачылган.

Ажайып жайлары

БАЭнин эң бийик 1937 метрге жеткен Жебел Жайс тоо чокусунда, дүйнөдөгү эн узун зиплайн аркан жолу 2018-жылдын 31 январында ачылган. Бул зиплайн аркан жолунун жалпы узундугу 2831,88 метрди түзүп Гиннесстин рекорддор китебине да катталаган^[5].

Рас-аль-Хаймада деңиз жээгинде эс алууга жана саякаттоого багытталган турлар уюштурулуп турат.

Күзөт мунаралары жана чептери менен белгилүү болгон Жулфар байыркы шаары, Аль-Маржан аралдары туристтердин кызыгуусун жаратат.

Башкаруучу үй-бүлөөсү

Башкаруучу үй-бүлөө – байыркы убактарда Парс булуңун бойлото жагашкан мамлекетти түптөгөн Аль-Кавасим уруусунун тукумдары.

Сауд бин Сакр аль-Касими, 2010-жылдын 27-октябрынан тартып эмирлик кылат. Ал бийлике атасы каза болгондон кийин келген^[6].

Тышкы шилтемелер

Рас-аль-Хайма эмирлигинин расмий сайты

Булактар

↑ ^1.0 ^1.1 Ras Al Khaimah Facts. Текшерилген күнү 7 -ноябрь (жетинин айы) 2023. Түп булактан архивделген күнү 2 -январь (үчтүн айы) 2020.
↑ Properties inscribed on the World Heritage List
↑ Ras Al Khaimah. Population
↑ Ras Al Khaimah. Tourist attractions
↑ Longest zip wire. Гиннестин рекорддор китебинин сайтында
↑ Ras Al Khaimah. The ruling family

[:0-1] 1.0 ^1.1 Ras Al Khaimah Facts. Текшерилген күнү 7 -ноябрь (жетинин айы) 2023. Түп булактан архивделген күнү 2 -январь (үчтүн айы) 2020.

[2] Properties inscribed on the World Heritage List

[3] Ras Al Khaimah. Population

[4] Ras Al Khaimah. Tourist attractions

[5] Longest zip wire. Гиннестин рекорддор китебинин сайтында

[6] Ras Al Khaimah. The ruling family

[1]

[2]

[3]

[4]

[5]

[6]