Рерих мөңгүлөрү

Рерих мөңгүлөрү, Салык мөңгүлөрү – Кыргыз Ала-Тоосунун түндүк капталында жанаша жаткан өрөөн тибиндеги эки мөңгү. Аламүдүн суусунун алабынан орун алган. узундугу 4,5–4,8 км, аянты 3,0– 3,2 км². Башы деңиз деңгээлинен 4300–4180 м, этеги 3680–3320 м бийиктикте жатат. Кар чегинин бийиктиги 4000–4480 м. Абляциясынын аянты 2,2–2,4 км². Мөңгүнүн тилин морена каптап жатат. Андан Салык суусу башталып, Аламүдүнгө оң жактан куят. Мөңгүлөр орус живописчилери Николай Константинович жана анын уулу Святослав Рерихтердин ысымдарынан аталган.

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9