Аламүдүн суусу

Аламүдүн суусу — Кыргызстандын Аламүдүн районундагы суу, Чүй дарыясынын сол куймасы. Узундугу 78 км, алабынын аянты 317 км².

Аламүдүн суусу
Аламүдүн суу сактагычы. Бишкектен түштүк тарапта жайгашкан
Мүнөздөмө
Узундугу	78 км
бассейндин аянты	317 км²
Жайгашкан орду
Өлкө	Кыргызстан

Кыргыз Ала-Тоосунун түндүк капталындагы Аламүдүн мөңгүсүнөн башталып, жогорку бөлүгү кууш капчыгай аркылуу шар агат. Чүй өрөөнүнө чыкканда нугу кеңейип, тайыздайт. Бишкек шаарын аралай түндүккө карай агат.

Аламүдүн районунун Беш-Күңгөй айылына жетпей (Бишкектен түштүк тарапка) турган суу бөлүштүргүч.

Ага 33 майда өзөн куят. Ири куймасы — Чуңкурчак (19 км). Алабында жалпы аянты 0,8 км² жеткен 22 майда көл, 74,2 км² келген 53 мөңгү бар. Май айында кирип, сентябрда тартылат. Жылдык орточо чыгымы 6,36 м³/сек; байкалган эң көп чыгымы 300 м³/сек, эң азы — 0,74 м³/сек.

Аламүдүн капчыгайынан Чүй өрөөнүнө чыга бериште (Көк-Жар кыштагы тушта) суу бөлүштүргүч курулган. Боюнан Көк-Жар, Таш-Мойнок, Беш-Күңгөй, Аламүдүн кыштагы орун алган.

Сугатка кеңири пайдаланылат.

Галерея

• 
  Бишкек. 2023-жылдын май айы
• 
  Бишкек. 2016-жылдын март айы
• 
  Аламүдүн суу сактагычына жетпей
• 
  Бишкек. Аламүдүн өзөнү. 2007-жылдын сентябрь айы

Дагы караңыз

• Аламүдүн капчыгайы

Булактар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967-14-046-1

• Кыргызстандын географиясы / Мамлекеттик тил жана энциклопедия борбору. - Б.: 2004. ISBN 9967-14-006-2