Сагын Акматбекова

Өмүр жолу

Сагын Акматбекова - 1949-жылы Калинин районундагы Орто-Арык айылында колхозчунун үй-бүлөсүндө туулган. Акын. Орто мектепти бүтүргөндөн кийин, адегенде Фрунзедеги политехникалык институтунда окуп, анан 1968-жылы СССР жазуучулар Союзунун М. Горький атындагы адабият институтуна кирип, аны 1973-жылы ийгиликтүү бүтүрүп чыгат. Ошол жылдан баштап ал “Кыргызстан аялдары” журналынын коомдук-саясий бөлүмүнүн башчысы болуп иштеп келе жатат. Анын ырлары 1968-жылы “Кыргызстан маданияты” гезити менен “Ала-Тоо” журналынан жарык көргөн. Биринчи ырлар жыйнагы 1970-жылы “Жамгыр” деген ат менен чыккан.
С.Акматбекова 1975-жылдан бери СССР жазуучулар Союзуна мүчө.

Китептери

Жамгыр. Ырлар, Фрунзе, “Мектеп” басма, 1970. 53 бет.
Алыскы талалаар. Ырлар. Фрунзе, “Мектеп” басма, 1972. 80 бет.

Чыгармачылыгы жөнүндө макалалар

Кыргыз тилинде

Эшимбеков К. Сезимди сергиткен жамгыр.- “Кыргызстан маданияты”, 1975, 3-апрель.
Эркебаев А. Акын чыгармаларын окуп.-"Ленинчил жаш", 1973, 23-июнь.
Сөз жаш акындын чыгармалары тууралуу (тегерек стол)- "Кыргызстан маданияты" 1975, 3-апрель.

Орус тилинде

Жакыпбеков А. Жаш акындын алгачкы ырларына пикир. –“Литературный Киргизстан”, 1968, № 3.

Колдонулган адабият

Самаганов Ж. "Советтик Кыргызстан жазуучулары" Фрунзе 1976-ж.