Сертификаттоо

(Certi-fication- Сертификация). 1. Интернет, экстратармак жана интратармак сыяктуу ачык тармактарда берилиштерди алмаштыруунун нускасын жана коопсуздугун текшерүүдө кеңири колдонулган сандык документ. Сертификат жабык ачкычты сактаган обжект менен ачык ачкычты байланыштырып турат. Сертификаттар колдонуучуга, компьютерге же сунуш кылынган кызматка берилет жана аны берген борбор тарабынан сандык кол коюу менен бекитилет. Сандык сертификаттар үчүн кеңири таралган калыбы ITU-T X.509 эл аралык стандарт менен аныкталат. 2. Электрондук сертификат - бул сандык документ ал ачык ачкычты белгилүү колдонуучу же колдонмо менен байланыштырат, мында ишеним борбордогу электрондук сандык колун коюлушу аны таанууда колдонулат. Бул сертификатты пайдалануу үчүн колдонуучу сертификатты ишенимдүү булактан алат, андан кийин өзү экендигин далилдейт жана сертификаттын булагына ачык ачкычынын көчүрмөсүн берет.

Колдонулган адабияттар

• Компьютер жана интернет: Энциклопедиялык окуу куралы. У.Н. Бримкулов, А.С. Өмүралиев, В.Ф. Бабак.-2004. ISBN 9967-14-014-3