Сыйкырланган Элла

"Сыйкырланган Элла" (англ. Ella Enchanted) — Гейл Карсон Левиндин 1997-жылы жазылган китеби. Аңгемеде "Синдрелланын" окуясы фея, элф, макулук, эргежээл жана алптар сыяктуу мифтик жандыктардын катышуусу менен кайрадан баяндалат. 2006-жылы Левин "Ак сулуунун" (англ. Snow White) окуясын кайра баяндаган "Эң калыс" чыгармасын жазган. Анда дагы "Сыйкырланган Элланын" дүйнөсүндөгү окуялар чагылдырылган. 2004-жылы 9-апрелде романга үстүртөт негизделген тасма жарык көргөн. Тасмага Томми О'Хавер режиссерлук кылып, Энн Хэтэуэй Элланын, Хаг Дэнси Чармонт ханзааданын ролдорун аткарышкан. Тасма негизинен ар кандай сын-пикирлерге ээ болуп, түпкү булак катары пайдаланылган материалдын өзгөртүлгөнү үчүн катуу сынга кабылган. Левин Сир Эдгар жана Хестон сыяктуу жаңы каармандардын кошулганына басым жасап, тасма "китептен аябай айырмаланат, ошондуктан аларды салыштырганга болбойт" деп билдирген. Ал тасманы өз алдынча чыгарма катары кабыл алыш керек экенин сунуш кылган.