Танталит

Танталит – татаал оксиддер тобундагы минерал, (Fe, Mn) (Ta, Nb)₂0₆. Курамынын 40%тен ашыгын Tа₂0₅ түзөт. Кошундулары: Ti жана Sn, Mg жана Са, чанда W, U ж. б. Колумбит–танталит. изоморф катарынын четки мүчөсү. Кара, кара күрөң кристалл, агрегат түрүндө. Кырлары металлдай, жаңы сынган жери чайырдай жылтырайт, тунук эмес. Катуулугу 6,5–7, тыгыздыгы 6,2–8,2 г/см³, морт. Негизинен пегматиттерде кездешет. Танталдын негизги кен ташы. Чачынды кендерден казып алынат.

Танталит.

Дагы караңыз

• Тантал

Колдонулган адабияттар

• “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117-9